Tugann na hAchtanna um Shaoráil Faisnéise 1997 agus 2003 na cearta reachtúla seo do bhaill den phobal
- taifid atá ag an tSeirbhís um Cheapacháin Phoiblí a fháil;
- an ceart eolas pearsanta atá coinnithe fút, a cheartú nó a leasú chun dáta sa chás nach bhfuil eolas dá leithéid críochnaithe, nó má tá sé mícheart nó míthreorach;
- an ceart cúiseanna a lorg maidir le cinntí a bhaineann leat, a thóg an tSeirbhís um Cheapacháin Phoiblí.
Conas a oibríonn SF?
Cuireann na hAchtanna iachall ar an tSeirbhís um Cheapacháin Phoiblí freagra a thabhairt ar iarratais ón phobal ar thaifid a choinnítear san oifig seo. Faoi théarmaí an Achta, tugtar freagracht do dhaoine ar leith scrúdú agus cinneadh a dhéanamh ar iarratais ar thaifid a ligean amach. Sa chuid is mó de chásanna, ní mór an cinneadh a dhéanamh taobh istigh de cheithre seachtaine ó fuarthas an t-iarratas. Is féidir le hiarrthóirí a tá míshásta le cinneadh an iarratais, achomharc a dhéanamh go scrúdófaí a n-iarratas arís taobh istigh de cheithre seachtaine ón chéad chinneadh. Déanann Oifigeach Achomhairc, atá in ann glacadh leis an chéad chinneadh nó é a athrú, athbhreithniú ar an chás. Ní mór an cinneadh seo a chríochnú taobh istigh de thrí seachtaine. Má tá an t-iarrthóir fás míshásta leis an chinneadh, tá an ceart aige/aici achomharc a dhéanamh faoin chinneadh chuig an Coimisinéir Eolais, 18 Sráid Líosáin Íochtarach, Baile Átha Cliath 2.Tabhair faoi deara gur féidir nach mbeidh sé riachtanach iarratas ar eolas a fháil faoin Acht um Shaoráil Faisnéise. Tá roinnt mhaith eolais ar fáil i leabhráin eolais na bpost, trí ábhar ar www.stateboards.ie, trí aiseolas ó agallaimh agus mar fhreagra ar fhiosrúcháin bhéil agus scríofa.
Conas iarratas a dhéanamh:
Ní mór iarratais ar eolas faoin Acht um Shaoráil Faisnéise 2014 a dhéanamh i scríbhinn agus a sheoladh chuig Sinead Dolan, An tSeirbhís um Cheapacháin Phoiblí, áras na Caibidle, 26 - 30 Sráid na Mainistreach Uachtarach, Baile átha Cliath 1, D01 C7W6.
Ba chóir na nithe seo a chur le d’iarratas:
- Ráiteas a léiríonn go bhfuil an t-iarratas á dhéanamh faoin Acht um Shaoráil Faisnéise.
- An oiread eolais agus is féidir chun gur féidir an taifead (na taifid) a theastaíonn a aithint go gasta. Má tá deacracht agat na taifid ar leith a theastaíonn uait a shainaithint, beidh baill foirne na hOifige in ann cuidiú leat maidir le d’iarratas a ullmhú. Bheadh sé ina chuidiú uimhir theileafóin a thabhairt chun gur féidir teagmháil a dhéanamh leat má tá sé riachtanach na taifid a theastaíonn uait a shoiléiriú
- Formáid na dtaifead a theastaíonn uait m.sh. fótachóip, ríomhphost srl.
- An táille chuí (más ann).
An bhfuil táille i gceist?
Tá na táillí seo i bhfeidhm maidir le hiarratais ar thaifid a dhéantar faoi na hAchtanna um Shaoráil Faisnéise:
Táillí Iarratais - Táille d’Athbbhreithniú Inmheánach d’eolas neamhphearsanta (€30) (nó €10 do dhaoine a bhfuil cárta leighis acu) Achomharc leis an Choimisinéir Eolais maidir le heolas neamhphearsanta €50 (nó €15 do dhaoine a bhfuil cárta leighis acu) Má tá tú ag lorg táille iarratais laghdaithe, ní mór uimhir chláraithe an Chárta Leighis a chur leis chomh maith le hainm an Bhord Sláinte agus ní mór duit cead a thabhairt na sonraí sin a dheimhniú leis an Bhord Sláinte
Táillí maidir le Cuardach agus Aimsiú agus Cóipeáil
Is féidir go mbeidh táillí i gceist fosta maidir leis an am a chaitear ag cuardach agus ag fáil na dtaifead a thugtar duit mar thoradh ar d’iarratas agus maidir le cóipeanna a dhéanamh d’aon taifead a thugtar amach. Ní dócha go mbeidh táillí dá leithéid i gceist más iarratas ar eolas pearsanta amháin atá i gceist.
Seo thíos na rátaí reatha:
- €20 san uair do chuardach agus aimsiú
- €0.04 an bileog do fótachóip
- €10 do CD-ROM ina bhfuil cóip de dhoiciméid
- €6 do radagraf (X-gha) ina bhfuil cóip de dhoiciméid
Éarlaisí
Ní mór éarlais a íoc má mheastar go gcosnóidh cuardach agus aimsiú na dtaifead atá á lorg os cionn €100. I gcás dá leithéid, ní mór gach iarracht a dhéanamh chun cabhrú leis a iarrthóir an t-iarratas a athrú chun méid an éarlais a laghdú nó a chur ar ceal ar fad.
Ísliú agus Tarscaoileadh
Ní ghearrfar táille maidir le taifid a chuardach, a aimsiú agus a chóipeáil sa chás go mbeadh an costas maidir leis an táille a bhailiú agus cuntas a thabhairt faoi, níos lú ná €100;
Is féidir táille maidir le taifid a chuardach, a aimsiú agus a chóipeáil, a laghdú nó a chur ar ceal sa chás go mbeadh an t-eolas ina chabhair ar leith chun ceist a bhfuil tábhacht náisiúnta ag baint leis a thuiscint. Is féidir tuilleadh eolais faoi SE a fháil ag http://foi.gov.ie
Lámhleabhar d’Alt 15 agus 16
Tá foilseachán ar fáil chun cabhrú leis an phobal teacht ar thaifid atá i seilbh na Seirbhíse um Cheapacháin Phoiblí, de réir mar a theastaíonn in Alt 15 agus 16 sna hAchtanna. Sé an foilseachán 'A Guide to the Functions, Records and Rules of the Public Appointments Service'. Más mian leat cóip den fhoilseachán a fháil, nó más mian leat iarratas ar SF a dhéanamh, déan teagmháil leis na daoine seo:
An Cinnteoir um Shaoráil Faisnéise:
Sínead Dolan,
An tAonad um SF, An tSeirbhís um Cheapacháin Phoiblí,
Áras na Caibidle,
26 - 30, Sráid na Mainistreach Uachtarach,
Baile Átha Cliath 1,
D01 C7W6
- Fón: + 353-1-8587576
- Íosghlao: 1890-449999
- Folíne: 7461
- R-phost: foi@publicjobs.ie (Chuig Sínead Dolan)
Oifigeach Achomhairc um Shaoráil Faisnéise:
Catherine Dobbins,
An tSeirbhís um Cheapacháin Phoiblí,
Áras na Caibidle,
26 - 30, Sráid na Mainistreach Uachtarach,
Baile Átha Cliath 1,
D01 C7W6
- Fón: + 353-1-8587516
- Íosghlao: 1890-449999